NATAD KAN PAGTIWALA SA PAGKAMOOT
(Garden of the Faith in Love)
ni
RICHARD D. MADRILEJOS
Mga Tawo
Isko – para bulang, 29
Perling – agom ni Isko, para ataman kan mga masitas sa natad ni Mr. Gonzales 28
Badong – barkadahon ni Isko, 29
Mr. Gonzales – dating kababata na Isko, 29
Oras buda Lugar
Puede kaito; puede man ngonian
An Drama
Enot na Eksena
Domingo. Alas Siete nin Aga. Si Badong buda si Isko tigbubulang an manok ninda para sa tupada tadtaod na udto. Turutadtaod maluwas si Perla, dagit.
Perling : (May darang sigid) Hoy, Isko! Lintian ka. Dai ka pa ngani naglilimugmog, domingo nin pagkaaga aga, manok na naman an tighahapihap mo!
Badong : Uragon ka talaga, Padi. Dapat pano hapihapun mo ngona an agom mo bago an manok.
Isko : Pabayai
Badong : Aw siempro iyo.
Perling : Ano baya, Isko, dai ka mauli. Dai ka lamang makaisip magsimba?
Isko : Si Perl, man.
Perling : Dai mo ako pag Perl Perl dyan, ha!
Badong : Kasuarin pa naging Perl an Perling?
Isko : Pumundo ka dyan, Padi. (Kay Perling) Ika na
Badong : Hoy! Dai mo ngani natutukalan an girise mo ng short, an bado ko pa daw na binakal ko pa
Malaog si Mr. Gonzales.
Mr. Gonzales : Maray na aga, saindo.
Perling : (Tigpakaray an sadiri) Maray na aga man tabi, saimo Mr. Gonzales. Pasensiya na tabi kun dae ako naamay ngonian sa indo para mag asikaso
Mr. Gonzales : Dai ka na maghadit tabi, Perling. Kaya ngani ako nagdigdi nganing itaram ko sa imo na sa aga ka na
Perling : (Sa pagkabigla kinaputan ni Perling si Mr. Gonzales sa braso) Iyo, Dios mabalos sa imo, Mr. Gonzales.
Mr. Gonzales : Bako lang iyan. Gusto takang imbitaran kamo ni Isko, ika man Badong ngonian na mismo na aga, duman na kamo magpamahaw sa harong…
Perling : (Sa sobrang ogma, duminukoton si Perling kay Mr. Gonzales) Dios mabalos tabi, Mr. Gonzales… Pasensiya na tabi. Dai ko na kontrolan su sadiri ko sa kaogmahan.
Isko : Nata tabi eto, Mr. Gonzales.
Mr. Gonzales : … Pasasalamat ko lamang sa mga pag taraning ko. Kamo man
Badong : Congrats, Mr. Gonzales! Nadangog nindo eto, Attorney na si Mr. Gonzales. Attorney Miguel Gonzales. Niya, Attorney maduman na kita sa harong nindo?
Perling : (Nirapas si Badong
Mr. Gonzales : Kamo daw. Haloy ko nang tigsasabi saindo na Miguel na
Badong : Daing problema, Migz. Ok lang na Migz apod ko sa imo?
Mr. Gonzales : Ok lang. Mare na kamo.
Perling : Salamatunon talaga Mr… Migz. Sa agang aga asikasuhon kong maray an natad mo nganing mapaaga an pagburak niya.
Isko : Sige, masunod na
Badong : Bahala ka, Padi. Enotan ta ka sa pagkaon.
Mr. Gonzales : Dai kamo mamroblema. Dakol eto na pinahanda ko sa katabang mi para sa satuya gabos. Mare na. Sunod ka na
Maluwas si Badong, Perling buda Mr. Gonzales. Mawawalat si Isko. Nag isip isip nin diit na segundo tapos nagluwas pasiring sa harong kaiba su manok niya.
Ikaduwang Eksena
Domingo man giraray. Mga alas siete o otso nin banggi. Sa may inuman. Nag iinom si Isko. Malaog si Badong.
Badong : Padi, ano ta gare grabe an problema mo bakong gana kita sa tupada kasubago.
Isko : Iyo ngani, Padi gana kita sa purok. Pungal daog ako sa pusta.
Badong : Dipungal, nagtaya ka sa kalaban? ... Lamadang!... Iyan an tigsasabi ko na sa imo, Padi na an pag bulang gare man
Isko : Hamag ka! Si agom palan manok na ngonian. (Maulok an duwa)
Badong :
Isko : Iyo nasasabutan ta ka. Pirang beses mo na an tig ngangaspak sako lalo na pag na bubuyong ka.
Badong : Dai man ako, Padi nabubuyong –
Isko : - nakainom
Badong : Seryoso na ngani, Padi. Dapat may tiwala ka sa manok mo arog sa agom mo, bakon grabe an tiwala mo sa iya kaya pira na kamong taon ngonian. Kamo man baga giraray.
Isko : Punduhi daw ako dyan
Badong : Iyo ngani. Pihikan pano ako, Padi.
Isko : Pihikan
Badong : Kristita. Dai naman eto, Padi.
Isko : Uragon ka talaga, Padi. Pakatapos
Badong : Bako ako, arog sa imo, Padi.
Isko : Inda ka daw! Ako an may agom. Saro
Badong : Relax ka lang, Padi. Madali na.
Isko : Iyo! Sisay?
Badong : Basta…
Isko : (Sa waiter) Padi, sarong beer digdi.
Badong : Bako na matawo digdi, Padi, ano, bakong arog
Isko : Estriktuhon baga mga magurang ka ito puon na na-aksidente su tugang na babaying matua. Ano ngani pangaran ka ito?
Badong : Si Laura.
Isko : Maurag ka talaga, Padi, basta talaga magayon, payt ka sa tandaan.
Badong : Kisay pa man ma mana, bakon sa Padihon.
Isko : Parog mo.
Badong : Bakon nag ilusyon ka duman?
Isko : Gare siya dai.
Maabot su waiter para itao su beer. Ubos na tig inom ni Isko kaya nag order pa siya.
Isko : Saro pa, Pading beer. (Sa may waiter)
Limang segundo na daing taraman.
Ikatulong Eksena
Badong : Mababawi mo man
Isko : Iyo ngani an problema ko, ta sa masunod na semana pa an tupuda. Makaurag pano si Among dai pa man igibong urualdaw. Bakon dati urualdaw an bulang. Anong nangyari ngani kaan, Padi?
Badong : Maray na an sigurado kaysa desidido. May urualdaw man nganing bulang pirme man may dakop. Maray ngani ta tinugutan ni Chief si Among. Bago baga pano an hepe ta hale daang
Isko : Pagol lamang…
Badong : Pira nadaog sa imo?
Isko : Diyes…
Badong : Mil? Diyes Mil? … Saen hale, Padi?
Isko : Kay Misis…
Badong : Dai ka nag paaram?
Isko : Duwang bulan niyang suweldo eto, sa pag ataman niya
Badong : Migz, Padi.
Isko : Ano?
Badong : Atty. Migz.
Isko : Mr. Gonzales an gusto ko na apod sa iya. Dai na yan mabago…
Badong : Haluyon na eto, Padi. Iyan an tigtataram ko sa imo, Pading tiwala arog sa manok mo… Buda maray baga siya sato –
Isko : Lalo na kay Perling. Buda labot ko kun abogado na siya ngonian. Hambugon man ngani! ... Pero, nata baya siya an tighuhuronan ta?
Badong : Inda ko sa imo. Ika an sigeng pugawak dyan…
Isko : (Mainom
Badong : Ay iyo palan. Sa aga manangad eto.
Isko : Padi, pagnaaraman ni Perling na nawawara an sinuweldo nya
Badong : Padi, buyong ka na.
Isko : Bako ako buyong, Padi.
Isko buda Badong : Nakainom lang! (Maulok an duwa buda maapiran.)
Badong : Ano
Isko : Kaya ngani yaon ka digdi. Pinainom taka nang saro. Gusto mo pa? Waiter!
Badong : Dai na, Padi. Tama na.
Isko : Himala. May kalintura ka, Padi. Nag pass ka ngonian.
Badong : Arog man talaga kaan, Padi. Minsan kaipuhan ta magbago. Minsan lang.
Isko : Hare daw ako dyan… Ano na baya? Ano na an gibuhon ta?
Badong : Mag subli ka.
Isko : Sa imo.
Badong : Patal!
Isko : Kisay?
Badong : Sa may kuwarta.
Isko : Kisay ngani? Dakol na may kuwarta digdi sato pero
Badong : Gabos baya arog kaan digdi sa barangay ta?
Isko : Iyo!
Badong : Sigurado ka? Minakakan ka pa
Isko : Dai na
Badong : Padi, huna huna mo
Isko : Inda man daw, Padi kun nata na wara su pagigin ugos mi kaan. Basta
Badong : Mala dai mo man siya tig titino. Nata kami. Nagkasupogan
Isko : Hambugon pano… Pero dai man ki mawawara… Ibahan mo ako, ha, sa aga?
Badong : Sa aga? Nata sa aga pa? Puede man
Isko : Iyo na. Maduman kita. Mata pa daw eto?... Ika an magkahuron, iyo? Ano daw, Padi kun ika na lang.
Badong : Pagol lamang.
Isko : Pano banggi na, dipisil ta hanapon naman ako kaito ni Misis buda malamang naaraman na kaito na nawawara su kuwarta niya.
Badong : Iyo mananggad, Padi ano? Sige, Padi, ako an bahala. Ako na makihuron kay Migz.
Isko : Sige, Padi maduman na ako paka bayad ko digdi.
Maluwas si Badong enot. Pakabayad nagluwas naman si Isko.
Ikaapat na Eksena
Mga pirang oras makalihis sa Ikatulong Eksena. Sa harong ni Isko buda Perling. Dagitonon si Perling. Payt an hanap
Isko : Perl…
Perling : Dai mo ako pag Perl Perl dyan, ha! Haen su kuwarta ko?
Isko : Su aren?
Perling :
Isko : Migz, na palan ngonian an apod mo sa abogadong eto.
Perling : Labot ko kun ano an iapod ko sa iya. Buda dai mo daw siya pag paparakalabanon ta maray ngani may natatao siya satuyang pang urualdaw ta samantalang ika –
Isko : Ano ako? Sige isuriyaw mo na madangog
Perling : Bulang … Tama… Ginamit mo su kuwarta ko sa pag bulang. Dai taka mapapatawad.
Isko : (Marani kay Perling.) Perl, Perl, Perl, patawadon mo ako. Patawadon mo tabi ako. Dai na ako mautro. Kinua ko ito nganing madoble ko ta gusto takang sopresahon sa aga para sa satuyang anibersaryo.
Perling : Ngonian maogmahon na ako
Isko : (Kukuguson si Perling.) Perl, saro pa. Saro na sanang tsansa. Ipopromisar ko na mahanap na ako ki trabaho. Dakol ako na gustong mangyari sa pamilya ta.
Perling : Pamilya. Tig apod mi ining harong na pamilya. Haen an mga aki ta. Haen an mga aki ta, Fransisco. Nata wara pa kita hanggan ngonian? Mala dai ta pa kaya magbuhay kun may aki na kita, iyo baga an pirme mong tigtataram. Ma apat na taon na kitang kasal hanggan ngonian dai ka pa ki permanenteng trabaho.
Isko : Perlita, maherak ka sako. Igwa akong
Perling : Bakong iyo man ‘yan an tinaram mo sako
Isko : (Suriyaw na maray.) Nata dai ka sako nag dadangog?!
Perling : … habo ko na… (Makua an mga bado niya nganing ikaag sa maleta.)
Isko : Perlita, masaen ka?... Ibalik mo an mga gamit mo… Perlita, saro…
Perling : Ano? Kukulogon mo na naman ako arog ka ito. Huna mo napatawad ta ka na
Isko : Dai ka maghale, Perling. Maherak ka sako… Perling, punduhon mo an. Punduhon mo an sabi…
Bubutungon si Perling ni Isko sabay pag parasampilong ka ini hanggan nakua ni Perling na tuhudon si Isko. Sabay hale ni Perling paluwas sa harong. Nakulogan si Isko. Pirit na matindog.
Isko : Perling, masaen ka? Padaba ta ka!... Putang kulog!... Dapat makasubli si Padi nganing bumalik sako si Perling… Padaba ta ka.
Paluwas na kuta si Isko
Ikalimang Eksena
Badong : Padi, masaen eto su, Perling? Anong nangyari?
Isko : Naaraman niya, Padi… Gusto niya ng humali. Babayaan niya ako… Dai siya sako nagdadangog… Nakulog ko siya, Padi.
Badong : Saen? Ano an ginibo mo?
Isko : Tig para sapak ko siya, Padi…
Badong : Padi, babayi baga sinda. Dai man tigkukulagan an mga babayi. Gare mo man
Isko : Padi, itutuga ko na sa imo. Maraoton ako na agom pero kaito pa eto. Kaito nakukulog ka an si Perling, tigpipirit ko an. Pero, Padi ngonian dai naman. Kasubago lang. Importante siya sako, Padi,
Nagparahibi si Isko. Si Badong tulala, gare may tig papara isip. Dai nya man nadadangog o nasasabutan an tigpaparataram ni Isko.
Isko : (Pirit tig papaalo an sadiri.) Padi, musta na su lakaw mo kay Migz? … Padi?!
Badong : Ano, Padi?
Isko : Nakasubli ka, Padi ki Attorney?
Badong : Iyo ngani an problema, Padi.
Isko : Problema?
Badong : Kaipuhan mo, Padi na pahiwason an pag iisip mo sa naaraman ko ngonian, Padi… Ipangako mo na dai ka ma react na maray digdi. Kalmado
Isko : Iyo!
Badong : Tukawe… Pag abot ko duman … ka Mr. Gonzales… pinalaog niya ako. Nag istoryahan kami.
Isko : Sisay?
Badong : Perlita Bragais… An saimong agom. Si Perling.
Isko : Tigkakarawan mo ako, Padi. Buyong ka naman…
Badong : Tunay, Padi. Padihon taka,
Isko : Pano nya sinabi? Nata nya nasabi?
Badong : Buyungon ngani. Sinabi nya, Padi habang tig iimagine niya sinda daang duwa sa
Isko : Hayop.
Badong : Huni pa an nabasa ko, Padi sa surat na nabutbotan ko sa drawer niya ta nangiturug na sa sobrang kabuyongan. Naka computerize… Huni an
Isko : Sa aldaw
Badong : Sa aldaw
Isko : Hayop siya! (Sabay buhat)
Badong : Masaen ka, Padi?
Isko : Bago ako mapagadan, gagadanon ko ngona sindang duwa.
Badong : Padi, palipoton mo ngona an isip mo. Kaipuhan mo ipaibabaw an rason kaysa –
Isko : Di puta! Anong rason rason an kaipuhan pa dyan. Padi, dai mo namamatean an namamatean ko. Su pinakapadaba mong babayi sa bilog na pagkatawo mo. Tinukal mo sa magurang mo, sa mga tugang buda mga manongod mo, tig kakayo
Badong : Padi, kumalma ka.
Isko :
Nagbungagan su duwa. Nakahale man giraray si Isko.
Ikaanom na Eksena
Mawawalat si Badong sa harong ni Isko. Tigmamate niya su pakapanga sa iya ni Isko. Makirikiri dangan mangirit na diit. Nagpuon siyang magpakaray
Badong : Tamang tama…
Biglang malaog si Perlita.
Perlita : Arin an tamang tama?
Badong : … an saimong pag abot.
Perlita : Sinulot mo na palan?
Badong : Siempre, basta hale sa padaba ko.
Makugos an duwa.
Perlita : Dai ako papatawadon ni Isko.
Badong : Lalo na ako…
Perlita : … Pero bako na ako maogma.
Badong : Paoogmahon taka.
Perlita : Badong.
Badong : Perlita (puede sinda maghadukan o magkugusan na maray; mas maray kun maghadukan nganing maekspresar su haloy na dai nagigibo).
Perlita : Naghahalat na su tricycle.
Badong : Maabot naman si Isko.
Perlita : Haen si Mr. Gonzales. Kaherak man siya. Nadamay ta.
Badong : Maogmahon eto ta minaabot pa
Perlita : Iyo … Pano si Badong?...
Badong : Maabot an panahon niya … an kaogmahan niya –
Perlita : na bako
Badong : kundi hale sa duwang nag miminuutan.
Perlita : Pero kasal kami.
Badong : Sa huwes… Sa Dios dapat nganing dai talaga puedeng pagsuwayon… Nata palan dai mo tigtaram sako na tigkukulog ka niya kaito? Sala siya duman.
Perlita : Napundo naman pano… Habo taka na na mag para isip…
Makugos an duwa.
Perlita : Dakol akong naadalan sa harong na ini.
Badong : Pasensiya ka na, Padi… An pag agom gare pag bulang minsan – dapat su manok mo may tiwala man sa imo bako lang su para bulang.
Perlita : An sakuyang mga pananom sa natad ni Mr. Gonzales, may mga tiwala sako siring
Perlita : Saen palan kita maduman?
Badong : Bakong napaghuronan ta na an?
Perlita : Sige lugod … Maduman na kita?
Badong : Handa ka na palan?
Perlita : Ika, iyo na?
Badong : Mare na …
Perlita : Haen su gamit mo?
Badong : Yaon na sa waiting shade.
Maluwas su duwa na magkaakbay. Si Badong bitbit an maleta.
Ikapitong Eksena
Malaog si Isko sa harong. Naghihingal gare ayam. Nagmamadali. Tig hahanap si Perling – su gamit… Pero wara na siya.
Isko : Perlita… Perlita… Perlita… Perlita!
Maluwas siya sa harong. Mahanap ki Perlita sa kada tawong masabatan niya. Puede man siya magin bua na ki kakahanap.
Isko : Perlita?.. Nahiling mo tabi, si Perlita? Su agom ko. Padabaon ko siya. (Mahibi dangan maulok)
: Burak … Bulang… Manok… Tukis… Natad… Pagkamoot… Tiwala… Burak… Bulang… Kautikan!
Madalagan paluwas
Katapusan.
No comments:
Post a Comment